Franco Pellizotti bi urtez zigortu du TASek

TXIRRINDULARITZA. Kirola Epaitzeko Auzitegiak (TAS) bi urteko zigorra ezarri zien atzo Franco Pellizotti eta Pietro Cuachiolli txirrindulari italiarrei, EPOarekin positibo emateagatik. Pellizottiren kasua da adierazgarriena, Italiako Olinpiar Batzordeak errugabe jo baitzuen 2010eko urrian. Nazioarteko Txirrindularitza Batzordeak, baina, helegitea jarri zuen TASen azken epaiaren bila.