Bere aurreneko Eurokopan inork espero ez zuena egin du Islandiak; final-laurdenetaraino iritsi da. Hala ere, ez du finalerdietarako txartelik lortu.
Erraz gailendu zaio Frantzia Islandiari: 5 eta 2. Giroud(12'), Pogba(19'), Payet(43'), Griezmann(45') eta berriz Giroud(59') izan dira Frantziako gol egileak; Sigthorsson(56') eta Bjarnason(84') Islandiakoak.
Asteazkenean eta ostegunean jokatuko dira finalerdiak: Portugalek eta Galesek jokatuko dute asteazkenean, 21:00etan; eta Alemaniak eta Frantziak ostegunean, ordu berean.
