Frantziak eta Danimarkak nahikoa zuten berdinketarekin eta bietako inork ez du harago joateko ahalegin handirik erakutsi. Bizitasun gutxiko partida jokatu dute, eta ez da apenas gol aukerarik izan. Entrenatzaileek ez dute arrisku handirik hartu. Atseden eman diete hainbat jokalariri eta zenbait proba egiteko baliatu dute neurketa. Ikusleek txistu egin diete jokalariei zenbait unetan, eskaini duten jokoa kaxkarra izan dela iritzita.
Frantziaren eta Danimarkaren arteko berdinketak aukerarik gabe utzi du Australia final-zortzirenetarako sailkatzeko. Aukera izan da ere, ordea, ez luke sailkatzea lortuko; galdu egin baitu matematikoki kanporatuta zegoen Peruren kontra. 0-2 gailendu zaio talde hegoamerikarra. Andre Carrillok (18. min.) eta Paolo Guerrerok (50. min.) egin dituzte Peruren golak.
