Partida nahiko parekatua jokatu dute Belgikak eta Frantziak, baina aurrenei kostatu egin zaie atera iristea. Saiatu dira behin eta berriz, baina ez dute lan erraza izan. Frantziako jokalariek gogor egin dute bai defentsan eta baita erasoan ere. Haiek gehiagotan iritsi dira atera, eta iritsitakoan hobeto aprobetxatu dute.
Lehen zatia husnako emaitzarekin amaitu dute. Gogotsu zelairatu dira bigarren zatian, eta partidaren 51. minutuan sartu du gaurko gol bakarra Umtitik. Tentsioa areagotu da orduan, eta partida gogortu. Behin eta berriz saiatu da Belgika, baina alferrik. Aurreneko aldiz Munduko Kopako finalera iristeko aukera zuten, baina ez dute lortu.
Bihar jokatuko dute bigarren finalaurrekoa, Kroaziak eta Ingalaterrak. Finala, igandean jokatuko dute, 17:00etan; eta hirugarren eta laugarren postuak, larunbatean, 16:00etan.
