Frantziak irabazi ditu Sei Nazioetako Torneoa eta Grand Slama

Azken jardunaldia jokatu zen asteburuan, eta, Frantziaren eta Ingalaterraren arteko lehia zen erabakigarria. Bi taldeak launa garaipen lortuta heldu ziren azken partidara, eta Frantziak irabazi zuen: 13-12. Ondorioz, torneoa eta Grand Slama irabazi ditu, 2002. urtean bezala. Ingelesak aitzinetik ziren markagailuan 78. minutua arte, baina Le Duffek zigor kolpea erdietsi zuen, eta baita garaipena ere. Atsedenaldira 3-12 heldu zen Ingalaterra aitzinetik. Irazu hendaiarrak (Herm) partida osoa jokatu zuen eta Sandrine Jauregiberri baionarrak (Euskadi XV) minutu batzuk. Espainia 3. sailkatu da, Galesi 7-12 irabazita.