Nagusitasuna erakutsi du Michael Matthewsek (Sunweb) Tourreko hamalaugarren etapan. 570 metro luze eta % 9,70 inguruko batezbestekoa zituen Saint Pierreko aldapak. Bizikleta beteko aldea atera dio Greg van Avermaeti (BMC) eta segundo batena Edvald Boasson Hagen (Dimension) etapako hirugarren sailkatuari.
Fabio Aru (Astana) ez da liderren taldetxoan sartu, eta Chris Froomek baino hogeita bost segundo gehiago behar izan ditu helmugaratzeko. Italiarrak sailkapen nagusiko lehen postua eta maillot horia galdu ditu. Bigarrena da orain, Froomerengandik hemeretzi segundora. Mikel Landa bosgarren postuan dabil oraindik ere sailkapen nagusian: 1.17ra.
