Christopher Froomek (Sky) irabazi du Frantziako Tourreko 7. etapa —Tomblaine-La Planche des Belles Filles, 199 kilometro—, itzuliko mendiko lehen saioan. Lehen mailako mendate batean bukatu da. Cadel Evans eta Bradley Wiggins sartu dira ondoren, bi segundora. Biok dira itzulia irabazteko faborito nagusiak.
Haimar Zubeldia ondo aritu da, seigarren, eta 44 segundora sartu da. Samuel Sanchez, 1.30era. Fabian Cancellara gaur arteko liderra, 1.51ra.
Sailkapen nagusian Wiggins dago lehen tokian orain. Bigarren Evans —10 segundora—, hirugarren Vincenzo Nibali —16ra—, laugarren Rein Taaramae —32ra—, bosgarren Denis Mentxov —54ra—, seigarren Zubeldia —59ra—.
Bihar korrituko dute 8. etapa: Belfort-Porrentruy, 157,5 kilometro. Bigarren mailako lau mendate, hirugarrengo bat, laugarrengo bat, lehen mailako bat eta mailako bereziko bat izango dituzte. Etapa ez gainean bukatuko.
Orain arteko etapak
- Aitzin-etapa (6,4 km-ko erlojupekoa) Irabazlea: Fabian Cancella. Liderra: Fabian Cancella.
- 1. etapa. Irabazlea: Peter Sagan. Liderra: Fabian Cancellara.
- 2. etapa. Irabazlea: Mark Cavendish. Liderra: Fabian Cancellara.
- 3. etapa. Irabazlea: Peter Sagan. Liderra: Fabian Cancellara.
- 4. etapa. Irabazlea: Andre Greipel. Liderra: Fabian Cancellara.
- 5. etapa. Irabazlea: Andre Greipel. Liderra: Fabian Cancellara.
- 6. etapa. Irabazlea: Peter Sagan. Liderra: Fabian Cancellara.
- 7. etapa. (lehen mailako mendatean bukatu da) Irabazlea: Christopher Froome. Liderra: Bradley Wiggins.
