Eibarrek husna bukatu du Ponferradinaren aurka eta aukera ona galdu du igoera postuetan finkatzeko. Ez irabazi arren, bigarren postuan bukatuko du jardunaldia, baina aurkari zuzenek aldea murriztuko dute. Lau jardunaldi falta dira liga bukatzeko.
Armaginak aurkariak baino gehiago izan dira, eta baloia kontrolpean izan dute partida osoan. Aukera gehiago eta hobeak izan dituzte, lehen zatian bereziki, baina ez dute ate aurrean asmatu. Ponferradinak—hamar jokalarirekin jokatu ditu azken hamar minutuak— bere arean sartuta itxaron dio eta deseroso jokatzera behartu du Eibar. Presaka ibiltzeak eta urduritasunak ez diote mesederik egin.
