Baina Eibarri zulotik irtetea komeni zaio (azken aurrekoa da sailkapenean). Eta lehenbailehen bada, hobeto. Terrazasek, golik ez jasotzeko eta irabazteko helburuarekin, nola ez, aldaketa batzuk egingo ditu defentsan. Iker Garai etxean gelditu da. Haren lekuan, eskuin alboko atzelari moduan, Fagoaga arituko da. Hortaz, Mairataren alboan Alaña ariko da gaur. Bestelakoan, Markelek eta Solabarrietak (joan den jardunaldian zigortuta zegoen) Jaime eta Borrell ordezkatuko ditute zelai erdiko lauko lerroan. Terrazasek ez du aurrenekoa deialdian sartu, lesionatuta dagoelako. Mane beteranoak, bestalde, Ligan bere aurreneko minutuak jokatzeko aukera edu dezake gaur.Paco Floresen esanetan, «partida itsusia izango da. Asko kostatuko zaigu gure jokoa egitea». Horixe diote denek, Eibarren aurka jokatu aurretik. Lehen Mailan eskarmentua duten jokalariak ditu Floresek bere aginduetara. Taldeko bi euskarriak, esaterako, Galca eta Soriano dira. Eta beren aurretik, hiruko lerro arriskutsua. Eibarko jokalariek adi ibili beharko dute Varelarekin (Eibarren ibilitakoa), Crusatekin eta, batez ere, Franciscorekin.
ALMERIA-EIBAR
Almeria: Valerio; Manolo, Carlos Garcia, Soria, Bermudo; Galca, Soriano; Varela, Francisco, Crusat; eta Michel
Eibar: Etxeberria; Fagoaga, Alaña, Mairata, Manuel; Cesar; Solabarrieta, Markel, Manolo, Azkoitia; eta Iñigo.
Txapelketa: Espainiako Bigarren Mailako zortzigarren jardunaldia.
Sailkapena: Recreativok hamar puntu ditu (6. postuan) eta Eibarrek bost puntu (21. postuan).
Epailea: Bernabe Garcia (Murtzia).
Ordua: 18:00etan.
Lekua: Meditarraneo Estadioa (15.000 ikusle).
