Aukera polita du Eibarrek etxetik kanpo puntuak gehitzen jarraitzeko, gaur arratsaldean Kordobaren aurka neurtuko ditu-eta indarrak (17:00). Sailkapeneko azken aurreko postuan dago Eibarren gaurko aurkaria, eta presio handia du etxeko partidetan, bederatzi puntura baitu Bigarren Mailan mantentzeko postua. Kordobaren egoera zaila den arren, Eibarrek lan txukuna egin beharko du Ipuruatik kanpo jarraian laugarren partida irabazi ahal izateko.
Baliteke Mendilibarrek azken hiru jardunaldietako hamaikakoa errepikatzea gaur ere, gol askorik sartu ez arren sendo jokatu baitu hamaikako horrek. Hori ezinbestekoa izango da Kordobaren hasiera bateko bultzadari eusteko, bertako entrenatzaileak agindu bezala duten dena emango baitute gorago daudenekin duten aldea txikitzeko.
FUTBOLA. EIBAR. Kordobaren egoera zailari etekina atera nahi dio Eibarrek, goiko postuei eusteko
Iruzkinak
Ez dago iruzkinik
Ordenatu
