Azken saioetako zuri-gorririk onena izan da Tiko. Lesioek bere orkatila utzi zutenetik maila ikusgarria ematen ari da erdilari aurreratu postuan. Gaur zaleei eskerrak emateko garaipena eskaini gura die Tikok.
Europarako txartela eskuratzeko aukeraren bat ikusten duzu oraindik?
Bai, nahiz eta gero eta gutxiago diren.
Denboraldia ona izan da, baina ezer ez bada lortzen zer gertatuko da?
Ezer ez bada lortzen zalantzak sortzen dira. Hala ere, denboraldi ona izan da. Zaleek asko gozatu dute. Emaitzetan islatu ez arren, zaleen artean sortu dugun ilusioa handia izan da.
Numanciari derrigorrez irabazi behar zaio.
Duda barik. Halere, ez da erraza izango. Konfiantzarekin zelairatu behar gara.
Nolako partida espero duzu?
Eurek ez dute ezer jokoan eta horrek bi ondorio izan ditzake. Batetik, hasieratik partida botatzea. Bestalde, baliteke partidak aurrera egin ahala konfiantza hartzea eta aurkari gogorra izatea. Serio jokatu behar dugu.
Valverdek agur esango dio Athletici. Zer-nolako agurra merezi du?
Agurra baino gero arte izango dela pentsatu gura dut. Ziur naiz denbora gutxi barru itzuliko dela. Entrenatzaile bikaina izan da eta hobetu egingo du.
FUTBOLA. ESPAINIAKO LIGA. «Laster itzuliko da Valverde, ziur nago»
Iruzkinak
Ez dago iruzkinik
Ordenatu
