Galesek esku-eskura dauka Sei Nazioen Torneoa

ERRUGBIA. Jardunaldi erabakigarria jokatuko da gaur Sei Nazioen Torneoan, azkena. Galesek eskura dauka Grand Slama; nahikoa du Frantziaren aurka berdinketa lortzearekin (15:45). Galesek galduko balu, Ingalaterrak izango du titulua irabazteko aukera, baldin eta 38 punturen aldeaz irabazten badio Irlandari (18:00). Jardunaldiko beste partida Italiak eta Eskoziak jokatuko dute (15:00).