1946an hasi ziren jokatzen Teresa Herrera trofeoa, Coruñan (Galzia). Itzal luzea du futbol munduan, eta ospe handia lortu du urterik urte; haren berezitasunetako bat da, esaterako, talde irabazleari eman ohi zaion trofeo handia —gizonezkoetan—. Atzo jokatu zuten 2018ko edizioa, eta gizonezkoen zein emakumezkoen artean, Athletic izan da irabazlea.
Gizonezkoek Coruñako Deportivoren aurka jokatu zuten finala, eta partida binakoarekin amaitu ondoren, penaltitan gailendu ziren (1-4). Emakumezkoak ere Deportivoren aurka aritu ziren, eta 0-1 irabazi zuten.
Jasotako saria, ordea, nabarmen izan da ezberdina. Gizonezkoek garaikur handi bat jaso dute; andreena, ordea, askoz ere txikiagoa da.
