Europako Ligarako sailkatzen duten postuetan jarraitzen du Realak sailkapenean, bosgarren, baina 44 punturekin Txapeldunen Ligarako postuetan ere egon zitekeen. Izan ere, Malaga da une honetan laugarren sailkapenean, baina atzo Valladolidekin 1-1 berdindu ostean, horrek ere 44 puntu ditu.
Gogoangarria izan zen atzo Realak Vicente Calderon futbol zelaian lortu zuen garaipena. 0-1 irabazi zioten txuri-urdinek Atletico Madrili, eta hirugarren postura jaitsi dira horiek, Real Madrilek aurrea hartuta. Realaren Gola Xabi Prietok sartu zuen, Griezmannen pasea jaso ondoren.
Athleticek ere garaipen garrantzitsua lortu zuen San Mamesen, eta jaitsiera postuetatik zortzi puntura da orain. Gola, gainera, Iker Muniainek sartu zuen, azkenaldian kritika asko jaso dituen jokalariak. 50 partida zeramatzan txantrearrak golik sartu gabe. Gorka Iraizoz atezainak geldiketa onak egin zituen, eta zaleen txaloak jaso zituen.
Atzoko emaitzen ondoren, Osasuna jaitsiera postuetatik lau puntura dago.
