Athletic ez du partida ixten asmatu emaitza alde izan duenean, eta partidaren azken jokaldian punturik gabe etxeratzeko arriskuan izan da.
Neurketaren hasieran, txuri gorriak nagusitu egin dira jokoan, eta gola egitea lortu dute 15. minutuan, talde jokaldi on batekin. De Marcosek kontraerasoa abiatu du, Adurizi eman dio baloia, eta honek orpoz utzi dio Susaetari, hark lehena egin dezan.
Golarekin, Athleticek behera egin du eta Deportivorenak izan dira aukerak. 35. minutuan, galiziarrek neurketa berdindu dute, korner batean. Adrianek egin du gola.
Bigarren zatian, berriz aurreratu da Athletic markagailuan. Raul Garciak pase bikaina eman dio Williamsi, eta honek, area barrutik zulatu du Deportivoren atea, 59. minutuan.
Athleticek garaipena ziurtatzeko aukera izan du Ricoren eta Iturrasperen jaurtiketekin, baina ez du hala egitea lortu, eta beste korner batean binakoa egin du Deportivok. Scharek berdin du, Athelticen hutsa baliatuz.
