Hona hemen, aurrerapen gisa, Alex Txikonen esan batzuk:
- "Behatzeko izozketetatik hobetzen ari naiz: eskumako hanka primeran daukat, eta ezker oineko behatz lodian ebakuntza egingo didate maiatzean".
- "Gasherbrum I-eko espedizioa oso luzea eta gogorra izan da, psikologikoki batez ere. Hiru lagun mendian geratu dira eta ez dakigu zer gertatu zaien. Erantzun gabeko galdera asko ditugu oraindik".
- "Ez nuen uste aukera ona zenik tontorrerako saioa egitea. Hegoaldeko hormako bidea irekia genuen, baina ez genekien ondoren zeharkatu beharreko plateau-a zer baldintzatan zegoen, ezta eguraldiak eutsiko zionik ere. Iragarpenak ez ziren onenak eta zalantza asko nituen. Senak ez igotzeko esaten zidan, eta jaramon egin nion".
