Gaur eguerdian, 12:30ean,UEFA txapelketako zozketa egingo dute Monacon, Athletic zerrendaburu dela. Lehenengo zozketan 80 talde sartuko dira, eta horietatik erdiak izango dira zerrendaburu. Zerrendaburu ez diren taldeekin parekatuko dituzte, eta kanporaketaren bigarren partida etxean jokatzea bermatzen du. Honela, talde onenek lehen fasean elkarren kontra jokatzea ere ekidingo du.
Herenegun UEFAko Klub arteko Txapelketen Batzordeak bilera egin zuen, eta bertan behin-behineko sailkapen bat egin zuten. Izan ere, Txapeldunen Ligan kanpoan geratzen diren taldeak ere sartu beharko dituzte.
Europa hegoaldeko aurkaria izango du
Europa hiru zatitan banatu dute, eta zonalde bakoitzeko klubak elkarren kontra ariko dira, Athleticena Hegoalde-Mediterraneoa da. Liga berekoek ezingo dute elkarrekin jokatu, beraz Athleticen lehen aurkaria Albania, Bosnia, Zipre, Kroazia, Bulgaria, Grezia, Israel, Italia, Portugal, Errumania, Serbia, Eslovenia edo Turkiakoa izango da.
FUTBOLA. ATHLETIC
Gaur eguerdian egingo dute UEFAko zozketa, zerrendaburuetan Athletic dela
Iruzkinak
Ez dago iruzkinik
Ordenatu
