Gaur hasiko da Egur Sporten binakakoa, Deban

AIZKORA. Egur Sportek antolatzen duen binakako txapelketa gaur hasiko da, Debako pilotalekuan (12:00). Olasagasti eta Saralegi Arrospide eta Mugertza II.aren aurka ariko dira A multzoko lehian. Guztira 28 egur moztu beharko dituzte. Saio berean, Juan Jose Agirregabiria bere garaian Santxok jarritako marka hobetzen saiatuko da txinga eroaten: 1008 metro 50 kiloko txingekin.