Gaur izango dira Zuraideko torneoko finalerdiak

TRINKETA. Zuraideko Zilar Torneoko finalerdiak gaur jokatuko dira, 19:00etan. Lehen partidan, Ibarrola-Kurutxarrik Etxeto-Ozafrainen kontra jokatuko dute. Bigarrenean, berriz, Bielle-Arizmendik eta Larretxea-Lambertek neurtuko dituzte indarrak. Azken horiek dira faboritoak; iragan astean Baionako finala jokatu zuten. Bi irabazleek igandean jokatuko dute finala.