Gaur jokatuko du Getxo Arteak Kopako finala

ERRUGBIA. Getxo Arteak eta Bartzelonak Espainiako Kopako finala jokatuko dute gaur, Zaragozako belodromoan (Espainia). Aurreko denboraldian ere bi talde horiek jokatu zuten finala, eta bizkaitarrek irabazi zuten orduan. Getxo Arteak Pozuelo taldea kanporatu zuen finalerdietan, eta Bartzelonak Girona. 12:00etan hasiko da gaurko finala.