Gerlo erdiko atzelaria fitxatu du Real Unionek

FUTBOLA. Danilo Telmo Gerlo erdiko atzelari argentinarrak denboraldia bukatu arte jokatuko du Real Unionen. Bi aldeek atzo lortu zuten akordioa, eta gaur egingo dute aurkezpena. Gerlok 30 urte ditu, eta River Plate Argentinako taldetik dator. Irungo taldeak neguko merkatuan fitxatu duen hirugarren jokalaria da, Goran Maric eta Mari Lacruz izan dira beste biak.