Gernikak berdindu egin du, eta laugarren izango da

ERRUGBIA. Gernikak atzo jokatu zuen Ohorezko Mailako azken partida, eta Valladoliden El Salvadorren aurka berdindu ondoren (22-22) laugarren postuan bukatuko du liga. Bera Berak eta Ordiziak gaur jokatuko dute, etxean. Donostiako taldeak puntu bat behar du Quesosen aurka mailari eusteko (12:30), eta Ampo Ordiziak ez du deus ere jokoan izango La Vila txapeldunaren kontra (12:00).