Ez dira garaileak errepikatu. Atzo, San Pedron (Gipuzkoa), iazko garaileak errepikatu ziren ETE eta KAE 1 ligen estreinako jardunaldian (Tolosaldea eta San Pedro), baina gaur beste bi izan dira bandera astindu dutenak: Deustu eta Getaria, hain zuzen.
Berezia izan da estropada. Izan ere, estropada duela gutxi lan istripu batean hil zen Andoni Galarraga arraunlariaren omenezkoa izan da, eta omenaldi ezin hobea egin diote haren taldekideek: bandera eskaini diote.
Hirugarren txandatik irabazi du Getariak. Haize gorabeheratsuak eragina izan du, eta, garaile zirela ikusita, ezin izan diete malkoei eutsi etxeko traineruko hainbat arraunlarik, Galarraga gogoan. Ohorezko txandan San Pedro helmugaratu da aurrena.
Aurretik, ETE ligan, faborito zen Tolosaldea mendean hartu du Deustuk. Bost segundo atera dizkio, bigarren luze ikusgarria eginda. Orain sailkapeneko lidergoan berdinduta daude bi taldeak. Hirugarren Hibaika izan da.
#Getaria#Getariarrak#Arrauna
— Ibon Gereka (@IGereka) June 20, 2021
💥Mundiala zan da eta badakigu.
💪Bizitzen ari garen bolara triste honetan behar genuen!
Zorionak @GetariakoAEpic.twitter.com/dd7Y9XdgDI
