Atzo Iñaki Badiola Realeko presidenteak zioen Gipuzkoako Foru Aldundiak futbol klubean jarria duen administratzaileak -Antxon Ibargutxik- utzi egin beharko lukeela postua, ustezko iruzur kasu bat dela medio, eta gaur Aldundiak agertu du "nazkatuta" dagoela Badiolarekin, "jarrera arduragabea duelako".
Realeko presidenteak atzo zioenez, klubak Foru Aldundiari 20 milioi euroko "iruzurra" egina dio BEZ dela-eta, eta "Ibargutxik, hori jakin arren, ezkutatu egin du".
Aldundiak administratzaile horren kudeaketa defenditu du, "arduraz aritu delako, eta bere erabakiak beste bi administratzaileekin adostu izan ditu. Badiolak inoiz ez ditu frogatzen bere akusazioak, eta zatiketa eragiten du".
Realari bideragarritasun ekonomikoaren plana eskatu dio Aldundiak.
Abenduaren 20an egingo dute Realeko batzarra.
Futbola
Gipuzkoako Foru Aldundia "nazkatuta" dago Iñaki Badiolarekin
Aldundiak klubean jarria duen administratzaileak postua utzi beharko lukeela esan zuen atzo Realeko presidenteak, "ezkutatu egin zuelako 20 milioi euroko iruzurra".
Iruzkinak
Ez dago iruzkinik
Ordenatu
