Gizonezkoen 600 kilokoen bigarren saioa, gaur, Loiun

SOKATIRA. Gizonezkoen 600 kilokoen mailako Euskadiko Txapelketako bigarren jardunaldia jokatuko da gaur 11:00etan, Loiun (Bizkaia). Sei talde ariko dira lehian: Gaztedi, Goiherri A, Mutriku, Goiherri B, Getxo eta Gaztediko talde mistoa. Hain zuzen ere, ordena horretan sailkatu ziren taldeak joan zen igandean Aian (Gipuzkoa) jokatutako estreinako jardunaldian.