Gonzalez eta Irujo beste emaitzen zain egon gabe sar daitezke finalean

Lau t'erdiko finalerdietako ligaxka asteburuan bukatuko da. Larunbatean Titinek eta Barriolak jokatuko dute Iruñean. Irujok eta Gonzalezek, berriz, igandean neurtuko dituzte indarrak, Eibarren. Lau pilotariek dute finalerako sailkatzeko aukera, eta Irujok du errazen, bi garaipenekin. Izan ere, Iberokoak hamasei tanto egitea aski du, edota Barriolak bezperan galtzea.

Gonzalez da sailkapena eskuan duen beste hautagaia; horretarako, Irujo hamazazpi tanto baino gutxiagotan utzi beharko luke. Era berean, Barriolak irabazi eta Irujo ez balitz hemezortzi tantotara iritsiko, azkaindarra finalean legoke. Barriolaren aukerak dira zailenak azaltzen, baina bi dira nagusiak: Irabazi eta Irujok 18 tanto egiten baditu, edota 19 tanto eginda galdu eta Gonzalezek galtzen badu. Azkenik, Titinek du zailen, Barriolak 15 tanto baino gutxiago egin behar dizkio, eta Irujok irabaztea behar du.

Lau t'erdikoa

FINALERDIETAKO LIGAXKA 3. jardunaldia

Larunbatean, Iruñean

Titin III.a / Barriola.

Igandean, Eibarren

Martinez de Irujo / Gonzalez

J I G TA TK

1.Martinez de Irujo. 2. 2. 0. 44. 33

2.Barriola. 2. 1. 1. 38. 39

3. Gonzalez. 2. 1. 1. 39. 42

4.Titin III.a. 2. 0. 2. 37. 44