Guadalajararen aurka ariko da gaur Anaitasuna

ESKUBALOIA. Anaitasunak Guadalajararen aurka jokatuko du gaur, Asobal ligako zortzigarren jardunaldian (20:00). Iragan asteburuan Port Sagunten aurka irabazi eta gero, nafarrek beste aurkari zuzen bati aurre egin beharko diote; partidarik irabazi gabe, azken postuan dago Guadalajara. Schulz atezaina deialdian sartu du Etxaburu prestatzaileak; jokatu ezinda daude oraindik Cancio eta Pocholo.