Animoso agertu da gaur hedabideen aurrera Carlos Gurpegi. Igandean Valentziaren aurkako partidan aurreko lotailu gurutzatuan haustura bat jasan zuen, eta astelehenean baieztatu zen denboraldi honetan ezingo duela gehiago jokatu.
Ebaketa egin beharko diote, eta Gurpegik berak gaur aitortu duenez, gogotsu dago: "Ebaketa egin eta berriro lanean hasteko gogoa dut".
Zazpi hilabete inguru beharko ditu osatzeko. "Bidean beste harri bat da, baina oso garbi daukat sasoi honetan partidarik joka badezaket, jokatuko dudala".
