Lehengo lepotik burua 1 Formulako txapelketak, iazkoa amaitu bezala hasi baita aurtengoa. Lewis Hamilton (Mercedes) nagusitu da Australiako Sari Nagusian, eta bere taldekide Nico Rosberg izan da bigarren, segundo pasatxora. Ferrarin hasi berri den Sebastian Vettel izan da hirugarren, minutu erdira.
Mercedesen nagusitasuna entrenamenduetan ere geratu zen agerian, lehen postua lortu baitzuen Hamiltonek larunbatean.
