Balentria egin zuten atzo euskal eskubaloi taldeek Europan. Itxako EHF Kopako final laurdenetan da, atzo Turkiako Cankaya Bel Ankara taldeari 36-23 irabazi eta gero. Larunbatean 37-24 galdu zuten Lizarrakoek, eta hamahiru goleko aldeaz irabazi behar zuten atzo kopan aurrera egiteko; baita lortu ere.
Beste horrenbeste egin zuen Bera Berak Errekopan. Ez zuten partida erraza donostiarrek, 32-20 galdu baitzuten Poloniako Vistal Lcazpol Gdyniaren aurka. Reyes Karrereren neskek 29-17 irabazi zuten atzo eguerdian jokatutako partidan, eta etxetik kanpo gol gehiago sartzeari esker, Errekopako final laurdenetara igaro da Bera Bera.
Asteazkenean derbia dute Itxakok eta Bera Berak ABF Ligan.
