Pixkanaka, hasi da agertzen Nacer Bouhanni (Cofidis). Frantziarrak apustu serioa egin zuen udan, World Tourretik kanpoko egitura batera jauzia eginda, eta, bere onetik aterata ibili den arren, hasi da fruituak jasotzen. Esprinterren taldeek ondo kontrolatu dute Arnaud Courteille (FDJ), Perrig Quemeneur (Europcar) eta Daniel Teklehaimanoten (MTN) ihesaldia, zazpi minutuko aldea izan dute gehienez, eta helmugara iristeko 3,5 kilometro falta zirela etsi dute. Aurretik, erorketa izan da tropelaren erdian, eta, besteren artean, 1.10 minutu galdu du Joaquim Rodriguezek (Katuxa), baina epaileek denbora bera eman diete kaltetutako guztiei. Peter Kennaughek (Sky) jarraitzen du lider.
Txirrindularitza
Hasi da agertzen Bouhanni
Cofidis taldeko frantziarrak irabazi du Dauphineko bigarren etapa, esprintean. Erorketa izan da azken kilometroetan, eta Joaquim Rodriguez (Katuxa) izan da kaltetuetako bat.
Iruzkinak
Ez dago iruzkinik
Ordenatu
