Hasi da lehia Munduko Txapelketan, eta jada jokatu dira lehen bi partidak Barakaldoko BEC-n. Estreinakoan, Ukrainak 72-62 irabazi dio Dominikar Errepublikari eta bigarrengoan Turkiak 76-73 Zeelanda Berriari. Gauean jokatuko du AEBetako selekzioak, Finlandiaren aurka (21:30).
Egunean zehar giro ona izan da bai Bilbon, bai Barakaldon. Milaka saskibaloizale gerturatu da txapelketaren harira antolatutako ekitaldietara. Haiekin batera izan dira atzerritik etorritako milaka jarraitzaileak, finlandiarrak, turkiarrak, ukrainarrak...
Aldarrikapenak ere izan du tokirik. Izan ere, EH Bilduk deituta, kontzentrazioa egin dute BECen aurrean, Freedom for the Basque Country lelopean (Askatasuna Euska Herriarentzat).
