Merezita lortu zuten titulua estatubatuarrek, ordura arteko txapeldunaren aurka jokatutako partidan. Hamasei minutu aski izan zituzten Carli Lloydenek lehia erabakita uzteko. Londresko Olinpiar Jokoetan gertatu moduan, Nadeshikoren taldea ez zen gai izan AEBak garaitzeko.
Ordu laurdenean, 4-0ekoa egina zuten Lloydenek, arerioak burumakur eta ezinean utziz. Ahalegindu ziren, hala ere, japoniarrak, eta bi gol sartu zituzten, haietako bat Julie Johnstonek bere atean sartutakoa. 54. minutuan, ordea, 5-2koa sartu zuten AEBekoek, Japoniak defentsan egindako hutsak agerian utziz.
