Hogei pilotari ariko dira lau t'erdiko txapelketan

Larunbat honetan hasiko da Lehen Mailako lau t'erdiko txapelketa, Iruñean, Olaizola I.a-Diaz eta Ruiz-Del Rey partidekin. Denera hogei pilotari ariko dira txapelketan.

Aspe enpresakoak hamar izango dira: Augusto Ibañez Titin III.a -gaurko txapelduna-, Abel Barriola -txapeldunordea-, Juan Martinez Irujo, Aitor Zubieta, Yves Salaberri Xala, Sebastian Gonzalez, Alberto Del Rey, Asier Berasaluze Berasaluze IX.a, Mikel Olazabal eta Joseba Larralde.

Asegarcekoak: Aimar Olaizola Olaizola II.a, Oinatz Bengoetxea Bengoetxea VI.a, Patxi Ruiz, Asier Olaizola Olaizola I.a, Juantxo Koka, Iker Arretxe Arretxe II.a, Iulen Retegi Bi, Iñigo Diaz -Bigarren Mailako txapelduna-, Pablo Berasaluze Berasaluze VIII.a eta Imanol Agirre.

Final-hamaseirenak jokatuko dituzte lehendabizi, gero zortzirenak, eta Irujo, Titin III.a, Barriola eta Aimar Olaizola zain izango dituzte final-laurdenetan. Finalerdietan ligaxka jokatuko dute.

Bigarren Mailakoan, berriz, hamalau pilotarik hartuko dute parte.

Gaur egin dute txapelketen aurkezpena, Bilbon.