Hondarribia-Irunek gaur hasiko du sasoi-aurrea

SASKIBALOIA. Hondarribia-Irun gaur hasiko da entrenatzen, urriaren hamabostean hasiko den Ligari begira. Tania Quinterok, Saioa Altzagak, Saray Arozenak eta Claudia Popek jarraitzen dute taldean, eta klubak bost jokalari fitxatu ditu: Sandra Igerabide eta Janka Mincikova joko antolatzaileak, Laura Garcia eskolta, Amaia Gastaminza hegal pibota eta Laura Gil pibota. Jose Luis Mujika eta Anne Peña ariko dira aurrerantzean ere entrenatzaile lanetan.