Hondarribia-Iruni erabat zaildu zaio Europako bidea

SASKIBALOIA. Hondarribia-Irunek galdu egin zuen atzo Gironaren aurka, 53-62, eta ia ezinezko dauka datorren denboraldian Europan aritzea. Larunbatean Ros Casares handiari irabazi beharko lioke, eta Ibizak galdu egin beharko luke etxean Kanaria Handiaren aurka. Obenasak, berriz, irabazi egin zuen atzo, Mann Filterren kantxan, 56-65. Dena den, dagoeneko maila galduta daude nafarrak.