2002tik San Antonio Spurs NBAko taldeak izan ditu Luis Scola Tau Baskoniako jokalariari buruzko eskubideak, baina orain Houston Rocketsek dauzka eta hura fitxatu nahi duela adierazi du. "Scola da NBAn ez dauden jokalarien artetik bost onenetakoa", esan du Daryl Morey Houstoneko zuzendari nagusiak. "Pibot postua indartu beharra dugu guk, eta esperientzia eta indarra dauzka hark". Houstonek jokalariak azkar erantzutea nahi du.
San Antoniok ez zuen behin ere Scola fitxatzeko ahalegin handirik egin; batetik, pibot postua ondo beteta izan duelako eta, bestetik, jokalaria gustura egon delako Taun.
Scolak (1980, Argentina), 2000an iritsi zen Tau Gasteizeko klubera. ACB Espainiako Ligan jokatutako denboraldietan, 14,3 puntu sartu ditu batez beste, 5,6 errebote harrapatu eta 1,7 asistentzia eman.
Saskibaloia
Houston Rocketsek Scola fitxatu nahi du
Tauko jokalariaren eskubideak erosi dizkio San Antonio Spursi.
Iruzkinak
Ez dago iruzkinik
Ordenatu
