Nolanahi ere, ez da izan Zubiaurrerena gaurko kale bakarra: familiko arazo bat tarteko Nihat ez da izan entrenamenduan, eta Gaizka Garitano eta Daniel Cifuentes fitxatu berriak ere ez. Horiek biek amaitu berri dute denboraldia Eibarren, eta horregatik, astebeteko atsedena eman diete.
Baina albiste onik ere izan da: lesio luzearen ondoren Igor Jauregi gaur itzuli baita entrenamenduetara.
Zubiaurrerekin sortu den arazoari dagokionez, Atlehticek datorren astean hasiko du denboraldi aurrekoa, eta oso litekeena da Mendaroko (Gipuzkoa) jokalariak datorren asteleheneko entrenamenduan estreinatzea talde txuri-gorriko kide gisa.
Futbola
Iban Zubiaurre ez da agertu Realaren entrenamendura
Realak gaur hasi du denboraldi aurrekoa, eta deialdian sartuta bazegoen ere Iban Zubiaurre jokalari mendaroarra ez da entrenamendura agertu. Zubiaurre dela eta, eztabaida handia sortu da Realaren eta Athleticen artean: txuri-urdinen arabera, euren taldekoa da oraindik Zubiaurre, eta kontratua indarrean duela nabarmendu dute. Athleticek, ordea, fitxaketa berri gisa aurkeztu zuen joan den astean. Jokalariak zein haren ordezkariak Realarekin dagoeneko ez duela konpromisorik adierazi dute.
Iruzkinak
Ez dago iruzkinik
Ordenatu
