IKURRINAREKIN, 34 URTE GEROAGO

Partida soila baino zerbait gehiago da Reala-Athletic derbia, eta agerian gelditu zen hori igandean. Hamaika ekitaldi antolatu zituzten partidaren inguruan, eta bi kapitainak zelaira ikurrinarekin atera zirenekoa izan zen horien artean hunkigarriena. 1976ko abenduaren 5ean Kortabarriak eta Iribarrek atera zuten ikurrina berbera hartuta zelairatu ziren Aranburu eta Gurpegi.