Imanol Erbiti irabazle Vueltan

Imanol Erbiti (Iruñea, 1983) Caisse d'Epargne taldeko txirrindulariak irabazi du gaur Espainiako Vueltako 10. etapa: Tarragona-Vilanova i la Geltru (175,7 kilometro). Bakarrik iritsi da. Iheskide izan dituen lagunak 37 segundora heldu dira -Romain Zingle sartu da bigarren-, eta tropela 1.36ra.

2005ean egin zuen debuta profesionaletan Erbitik, eta gaurkoa du bigarren garaipena. Lehenengoa ere Vueltan lortu zuen (2008ko etapa bat). 2005an eta 2006an Illes Balears taldean aritu zen, 2007tik Caisse d'Epargnen dago.

Igor Antonek (Euskaltel-Euskadi) lidergoa galdu du, Joaquin Rodriguezek bi segundoko gain saria erdietsi baitu. Sailkapen nagusian denbora berean ziren.

Aurtengo itzulian euskal ziklisten hirugarren etapa garaipena da gaurkoa: Antonek eta Daviz Lopez izan dira garaile beste bietan.

Bihar korrituko dute Vueltako 11. etapa: Vilanova i la Geltru-Andorra(208,4 kilometro). Maila bereziko mendatean bukatuko da. Aurretik hirugarren mailako bat izango dute.

Hilaren 19an bukatuko da proba, Madrilen. Etapa denen ezaugarriak, hemen.

Orain arteko etapak

- 1. etapa: Sevilla-Sevilla. Irabazlea: Team HTC-Columbia. Liderra: Mark Cavendish.

- 2. etapa: Alcala de Guadaira-Marbella. Irabazlea: Yauheni Hutarovitx. Liderra: Mark Cavendish.

- 3. etapa: Marbella-Malaga. Irabazlea: Philippe Gilbert. Liderra: Philippe Gilbert.

- 4. etapa: Malaga-Valdepeñas de Jaen. Irabazlea: Igor Anton. Liderra: Philippe Gilbert.

- 5. etapa: Guadix-Lorca. Irabazlea: Tyler Farrar. Liderra: Philippe Gilbert.

- 6. etapa: Carabaca de la Cruz-Murtzia. Irabazlea: Thor Hushovd. Liderra: Philippe Gilbert.

- 7. etapa: Murtzia-Orihuela. Irabazlea: Alessandro Petacchi. Liderra: Philippe Gilbert.

- 8. etapa: Villena-Xorret de Cati. Irabazlea: David Moncoutie. Liderra: Igor Anton.

- 9. etapa: Calpe-Alcoy. Irabazlea: David Lopez. Liderra: Igor Anton.

- 10. etapa: Tarragona-Vilanova i la Geltru. Irabazlea: Imanol Erbiti. Liderra: Joaquin Rodriguez.