Binakako txapelketako finalerdietako ligaxka asteburu honetan hasiko da eta lehen jardunaldian hainbat aldaketa egongo dira. Jon Ander Albisu eskuko minez dago eta Ander Imazek ordezkatuko du. Oinatz Bengoetxeak ere ezingo du jokatu, orkatileko minez bukatu zuen herenegun eta Victor Esteban ariko da haren ordez. Gauzak hala, hau da igandean, Donostian jokatuko den partida: Victor-Untoria / Artola-Imaz.
Finalerdietako ligaxka larunbatean hasiko da, Bilbon, Olaizola II.a-Urrutikoetxea eta Irujo-Rezustaren arteko partidarekin. Bestalde, dagoeneko jakina da non jokatuko den finalerdietako partida guztiak. Bigarren jardunaldikoak Iruñea eta Eibarren, eta azkenekoak Iruñea eta Gasteizen.
