Inaxio Perurenak ezin izan du 303 kiloko harria jaso Altsasuko frontoian egindako ahaleginean. Leitzarrak azaldu duenez, berotzen hasi eta bereala ikusi du onenean ez zegoela: "250 kiloko harria jasotzerakoan hankak dantzan nabaritu ditudanean pentsatu dut zaila izango zela helburua lortzea".
Lehen ahaleginean belaunetaraino jaso du harria Perurenak, baina hurrengo kolpean huts egin ondoren, etsi egin behar izan du ahaleginean. Beste ahalegin bat ere egin du baina urrutiago geratu da helburua lortzetik.
