Indurain «harrituta» dago Armstrongen itzulerarekin

Miguel Indurainek onartu du «harrituta» dagoela Lance Armstrong estatubatuarraren itzulerarekin. «Hasieran harrituta geratu nintzen, baina jada ez dauka atzera bueltarik. Pedalei eragiten eta denboraldia antolatzen hasi beharra dauka». Alberto Contador eta Lance Armstrong talde berean egotea ez dela egokia izango ere adierazi du nafarrak. «Maila berean badaude, ezin dira talde berean egon. Contadorri egoera asko zailduko litzaioke Armstrongen ondoan».