Iñigo Cuestak eta Mauro Faccik ez dute parte hartuko, gaixo baitaude

Frantziako Tourrean bi txirrindulari faltako dira azken orduan: Iñigo Cuesta espainiarra (Saunier Duval) eta Mauro Facci italiarra (Fassa Bortolo). Biek ala biek atzo utzi zuten lasterketa, osasun arazoak zirela medio. Cuestak mina zuen gorputz osoan, eta Facci gastroenteritisak jota zegoen. Saunier Duvalek eta Fassa Bortolok azkar aurkitu dizkiete bi ordezkoak. Hala, Rubens Bertogliati suitzarrak Cuesta ordezkatuko du, eta Paolo Bossoni italiarrak Facci.