INOIZKO UNERIK EDERRENA

CAI Zaragoza eta Estudiantesen aurkako partidetan ere ikusi zen, jokalarien eta zaleen artean halako harmonia ona sortzen ari zela, eta Baskoniaren aurkako garaipen politak poz giroa ekarri zuen Illunbera. Partida bukatu baino bost minutu lehenago olatu famatua egin zuten zaleek, eta behin bukatuta, txalo zaparrada beroarekin agurtu zituzten jokalariak. David Doblas irten zen azkena, baina hark ere txaloak jaso zituen (argazkia).