Irujo-Merino II.a eta Olaizola II.a-Begino Binakako Txapelketako finalerdietako partida izango da Bilboko Bizkaia pilotalekuan jokatuko den lehen estelarra.
Aspe eta Asegarce atzo bildu ziren txapelketaren finalerdien nondik norakoak zehazteko, eta arriskatu egin zuten Juan Martinez de Irujo Bilbora eramatean, ez baitago bere sasoirik onenean, min du belaun batean, eta ez litzateke harritzekoa ordezko batek jokatu behar izatea.
Finalerdiertako ligaxkako lehen jardunaldiko beste partida, berriz, EIbarren jokatuko da, Xala-Barriola eta Gonzalez-Laskurainen artean.
Bizkaia pilotalekuko lehen jaialdia mistoa izango zela zabaldu zuen Bizkaiko Foru Aldundiak; beraz, litekeena da pala partidaren batekin uztartea.
Txartelen salneurria zehaztuta dago honezkero. Garestienak —kantxakoak— 40 eurokoak izango dira, eta merkeenak —hirugarren solairukoak—, 10 eurokoak.
