Irujo sanfermin torneoko finalerako sailkatu da

ESKU-HUSKA. Juan Martinez de Irujo lau t'erdiko sanfermin torneoko finalerako sailkatu zen atzo, Mikel Idoateri eroso irabazita (22-8), Naiaran (Errioxa) jokaturiko partidan. Iberokoak Oinatz Bengoetxea izango du aurkari sanfermin egunean, Iruñeko Labriten. Atzoko jaialdian ere bai, Alvaro Untoria atzelari errioxarrak itxura ona eman zuen bere debuteko partidan. Berasaluze VIII.a lagun zuela, 22-16 irabazi zuen Saralegi eta Belokiren aurka.