Irujok Beroizekin egin du azken entrenamendua

ESKU-HUSKA. Juan Martinez de Irujok atzo egin zuen lau t'erdiko finala jokatu aurreko azken entrenamendua. Ateak itxita aritu zen Atano III.a frontoian, Mikel Beroiz lagun hartuta. Orain arte egin duen entrenamendurik laburrena izan zen, baina «sentsazio onak» izan zituela eta eskuin eskuan ez duela inolako arazorik esan zuen Irujok berak amaieran. Finalerako pilotak gaur aukeratuko dituzte Irujok eta Barriolak (12:00).