Irujoren hatzak hobera egin du, eta Goñi III.arekin batera ariko da, gaur, Bergaran

Hatzeko mina zela-eta iragan astean jokatu beharreko bi partidak bertan behera utzi ondoren, Juan Martinez Irujo gaur itzuliko da jaialdietara. Iberokoak Bergarako pilotalekuan jokatuko du (17:00). Jaialdiko partida nagusian, Martinez Irujok eta Fernando Goñik, Sebastien Gonzalezen eta Iñigo Pascualen aurka jokatuko dute. Jaialdiko lehen partidan, Chafee-Naldak, Berasaluze IX.a eta Elkororen aurka jokatuko dute.