Isinbaieva uztailaren 1ean hasiko da berriz lanean

ATLETISMOA. Amaitu da Jelena Isinbaievaren aldi baterako erretiroa. Valentin Balajnitxev Errusiako Atletismo Federazioko presidenteak atzo jakinarazi zuen pertika jauzilaria uztailaren 1ean hasiko dela entrenatzen eta lehiatzeko asmoa duela uztailaren 27tik abuztuaren 1era Bartzelonan jokatuko den Europako Txapelketan. Isinbaievak apiril hasieran iragarri zuen aldi baterako uzten zuela atletismoa.